Ye
flowery banks o' bonie Doon,
How can ye blume sae fair,
How can ye chant, ye little birds,
And I sae fu' o' care!
Thou'll break my heart, thou bonie
bird
That sings beside thy mate,
For sae I sat, and sae I sang,
And wist na o' my fate.
Aft hae I rov'd by bonie Doon,
To see the wood - bine twine,
And ilka bird sang o' its love,
And sae did I o' mine.
Wi' lightsome heart I pu'd a rose,
Frae aff its thorny tree,
And my fause luver saw the rose,
But left the thorn wi' me,
Wi' lightsome heart I pu'd a rose,
Upon a morn in June,
And sae I flourish'd on the morn,
And sae was pu'd or noon!
